اسأل وجاوب

• دليل المدينة
• وظائف
• درجات الحرارة

الحب الممنوع

السلام عليكم
فى البداية انا اعرف انى سوف اواجة كمية لوم فى كل الردود ولكن ارجو منكم الصبر والاحساس بموقفى الى النهاية وتوجيهى السليم بدون ذكر اى شىء جارح
فى البداية انا شاب عندى 29 سنة متزوج وعندى طفلين وبحب زوجتى والحمدالله وبحب اولادى والحمدالله تعرفت بفتاة فى مجال عملى عندها 29 سنة ايضا متزوجة وعندها طفلين وبدون مطول عليكم بدأت احب ان اراها كل شوية فى البداية كانت العلاقة علاقة عمل فقط فهى فى مجال المبيعات ولكن فوجات انى احب ان اسمع صوتها واحب ان اعمل اى شىء حتى اتيح الفرصة لاراها بحجة العمل
وبعد انقطاع العلاقة خلال العمل مش عارف بحب اتصل بيها اصبح عليها وهى ايضا بتصبح عليا وبتحب تتكلم معايا كتير يمكن اقل مقابلة بتكون ساعتين او 3 ساعات منها بس نصف ساعة فى مجال العمل والباقى كل واحد بيحكى للتانى عن حياتو
مش عارف انا حاسس انى منجذب ليها جدا بدرجة انى عرفت الاماكن الى هى بتروحها وبروحها ادور عليها لعلى اشوفها
والله منا عارف انا بعمل اية ولية بس فعلا انا مخنوق وتعبان ومش عارف اشتغل
لما بقول لانفسى دى وحدة متجوزة ومستقرة فى حياتها افضل اترجم كلامها على زوجها انها على خلاف معاه
انا مش عارف انا عايز اية بس الى انا عارفو انى ببقى عايز اشوفها كل شوية وببقى عايز اسمع صوتها كل شوية ونفسى اتكلم معاها على طول
مش عارف عيزها اية صديقة والا زوجة ولا اية , انا عارف ان زوجة مش نافع لانها متزوجة بس بقول لنفسى يمكن تسيب جوزها علشانك وخصوصا انها قالتلى كذا حاجة تدل انها مش مستريحة فى حياتها
كتير بقول لنفسى اتقى الله فى بيتك ومراتك لكن ارجع واقول بس الشرع حلل للواحد الزواج باكتر من وحدة لكن طبعا طبقا للمجتمعنا الى بيرفض تعدد الزوجات يبقى اكيد هفقد الاولى وانا مش عايز كدة لانى فعلا بحب زوجتى بس مش عارف ازاى حبيت الثانية دى
مش عارف لية صورتها مش بتفارق خيالى
مش عارف عملت فيا اية بيخلينى مشدود ليها بالدرجة دى